Valleeducousin.fr

Journal >

Pantagrueline prognostication : Certaine, veritable & infaillible pour l’an perpetuelle

Nouvellement composée au prouffit & advisement de gens estourdis & musars de nature

Publié par Maistre Alcofribas

Le jeudi 15 janvier 2015

Mis à jour le 16 janvier 2015

Pour celles et ceux qui s’inquièteraient de ce qui nous attend en 2015, Maistre Alcofribas, architriclin dudict Pantagruel, a déjà tout prévu une bonne fois pour toute dans une prognostication perpétuelle. Voici quelques unes de ces prédictions qui, certainement, n’épargneront pas le Cousin !

Des maladies de ceste année

Ceste année les aveugles ne verront que bien peu, les sourdz oyront assez mal : les muetz ne parleront guières : les riches se porteront un peu mieulx que les pauvres, & les sains mieulx que les malades.

Plusieurs moutons, bœufz, pourceaulx, oysons, pouletz & canars, mourront & ne sera sy cruelle mortalité entre les cinges & dromadaires.

Vieillesse sera incurable ceste année à cause des années passées.

Ceulx qui seront pleureticques auront grand mal au cousté, ceulx qui auront flus de ventre iront souvent à la celle percée, les catharres descendront ceste année du cerveau es membres inferieurs. Le mal des yeulx sera fort contraire à la veue, les aureilles seront courtes & rares en Guascogne plus que de coustume.

Et regnera quasi universellement, une maladie bien horrible, & redoubtable : maligne, perverse, espoventable et mal plaisante, laquelle rendra le monde bien estonné, & dont plusieurs ne sçauront de quel boys faire fleches, & bien souvent composeront en ravasserie, syllogisans en la pierre philosophalle & es aureilles de Midas. Ie tremble de peur quand ie y pense, car ie vous diz quelle sera epidemiale & lappelle Averroys vii colliget. faulte d’argent.

Et attendu le comète de lan passé & la retrogradation de Saturne, mourra à l’hospital ung grand marault tout catharré & croustelevé. A la mort duquel sera sedition horrible entre les chatz & les ratz, entre les chiens & les lievres, entre les faulcons & canars, entre les moines & les œufz.

Un message, un commentaire ?

modération a priori

Ce forum est modéré a priori : votre contribution n’apparaîtra qu’après avoir été validée par un administrateur du site.

Qui êtes-vous ?
Votre message

Pour créer des paragraphes, laissez simplement des lignes vides.

Ajouter un document